Методологијата Дијагностичко сродни групи (ДСГ), не претставува само систем за евидентирање и фактурирање на здравствени услуги за акутните болнички пациенти туку овој метод за евиденција и финансирање на болничката здравствена заштита придонесува кон стандардизирање на медицинските терапевтски постапки според медицината базирана на докази (протоколи и клинички патеки), кои се вршат за секоја дијагноза со плаќање по просечни трошоци направени за здравствената услуга во било која здравствена установа. ДСГ системот овозможува формирање на централна база на сите здравствени услуги во РМ за болничките пациенти, како и на други статистички важни податоци (пол, возраст, тежина итн.). Пристапот до овие податоци, дали директен (необработени податоци) или преку извештаи изработени од ФЗОМ и други институции овозможува споредливост меѓу болниците од аспект на ефикасност, сложеност на здравствените услуги, распон на здравствените услуги на ниво на ЈЗУ, искористеност на капацитетите и сл.